Chairman Desk

સન્માનીય મુખ્ય શિક્ષકશ્રી,

નમસ્કાર

પ્રવેશોત્સવના કાર્યક્રમ સારી રીતે સંપન્ન થયા.

સૌ શિક્ષક ભાઈ-બહેનો એક જૂથ થઈને પ્રસંગને દીપાવવાના કાર્યક્રમમાં લાગ્યા તેનાથી આંગતુંકો (મંત્રીશ્રીઓ, અધિકારીઓ, ધારાસભ્યશ્રીઓ સહિતના મહેમાનોના ) મન-મસ્તિષ્ક પર સારી છાપ ઉભી થઇ છે.

સૌને અભિનંદન

સરસ્વતીના સાધકો એવા સૌને આ પત્ર દ્વારા કેટલાક વિષયો પરત્વે ધ્યાન દોરવાનો અને મ્યુનિ.શાળાઓ અને શિક્ષણ માટે અમલ નો આદેશ છે.

  • ધો.૧ થી ૮મા વધુને વધુ બાળકો ૩૧ ઓગસ્ટ સુધી નામાંકન થાય તે માટેનું અભિયાન પરિણામલક્ષી અભિગમ સાથે ચાલુ રાખવાનું છે.
  • શાળાને સમયપત્રક મુજબ કોઈપણ પ્રકારની બાંધછોડ વગર ચલાવવાની છે.
  • શાળામાં આવતા બાળકો સંપુર્ણ ગણવેશમાં સાજ્જ થઈને આવે તેનું પાલન કરાવવાનું છે.
  • છોકરાઓ બુટ મોજા અને છોકરીઓ સેંડલ-મોજા પહેરીને આવે તેવું કરવાનું છે. ધીમે ધીમે વાલીઓનું અને બાળકોનું આ તરફનું નક્કર વલણ કરાવવાનું છે.
  • શાળાનું વાતાવરણ એવું બનાવીએ કે ખાનગી શાળામાં બાળક ને મુકવા જનાર વાલીને આપણી શાળા આગળ અટકવું પડે.
  • શાળાના ઝાંપા આગળ કોઈપણ પ્રકારની લારીઓ કે ખાદ્યપદાર્થના વેચાણવાળા ઉભા ન રહે અને બાળકો તે વસ્તુ ન લે તેની કાળજી રાખવાની છે. માંધ્યાહન ભોજન બધાં જ શાંતિથી પ્રેમપૂર્વક જમે તે લક્ષ્ય રાખીએ.
  • સને ૨૦૧૬-૧૭ના શૈક્ષણિક વર્ષને "વિજળી બચાવો" તરીકે આપણે મનાવીએ, બિનજરૂરી લાઇટ- પંખા ચાલુ ન રહે તેની કાળજી રાખીએ. આ ચુચનાની આસર વીજબીલ માં આવવી જોઈએ.
  • વરસાદમાં બારી-બારણાં શાળા સમયબાદ બંધ થાય તેની કાળજી રાખીએ. બાળકો સહિત બધા જ આ બાબત ધ્યાનમાં લે.
  • હકારાત્મક અભિગમ થાકી આપણું સૂત્ર "હમ હોંગે કામિયાબ" સાર્થક કરીએ.

તા. ૨૯-૬-૨૦૧૬

વીનમ્ર,
- શ્રી પંકજસિંહ ભવાનસિંહ ચૌહાણ ચેરમેન,
એ/૨૦૧, અક્ષત એવન્યુ, રામદેવનગર
ચાર રસ્તા, રેવતી ટાવર સામે, સેટલાઈટ,
નગર પ્રા. શિ.સમિતિ, અમદાવાદ-૩૮૦૦૧૫

ભગવાન, સૌનું ભલું કરે.